Ahmad Nadeem Qasmi Passed Away

Ahmad Nadeem Qasmi passed away yesterday (July 10, 2006). May God keep his soul in peace.

Maroon to main kisi chehray main rang bhar jaa’oon

Nadeem kaash yahi ik kaam kar jaa’oon

*********

Ab tak to noor-o-nikhat-o-rang-o-sadaa kahoon

Main tujh ko chhoo sakoon to Khuda jaanay kia kahoon



Lafzon say un ko peyaar hay, mafhoom say mujhay

Woh gul kahain jisay main teraa naqsh-e-paa kahoon



Tu chal diya to kitnay haqaa’eq badal ga’ay

Najm-e-seher to marqad-e-shab ka diya kahoon



Kiya jaanay kis safar peh ravaan hoon azal say main

Har intahaa ko ik na’ee ibtadaa kahoon

*********

Shaam ko subh-e-chaman yaad aa’ee

Kis ki khushboo-e-badan yaad aa’ee



Jab khiyaalon main koi morr aaya

Tairay gaisu ki shikan yaad aa’ee

********

Mujh ko qatil kay iradon pay bhi pyar ata hay
Teri ulfat nay muhabbat meri aadat kar di

********

Main nadeem qarya-e-seem-o-zar say bhi sar kasheeda guzar gia
Jo meri anaa ka gharoor hai meri umer bhar ki kamai hai